Euro ka pësuar këtë të mërkurë rënien më të madhe në historinë e kursit të këmbimit me Lekun. Për herë të parë monedha europiane ka rënë poshtë nivelit të 113 Lekëve.
Sipas kursit zyrtar të këmbimit të Bankës së Shqipërisë, 1 Euro është këmbyer sot për 112.83 Lek. Për ekspertët e ekonomisë kjo rënie drastike vjen si pasojë e qarkullimit të lartë të euros në këtë prag fundvitit, por edhe informalitetit.
Në kursin e këmbimit rënie kanë pësuar po ashtu edhe dollari amerikan, paundi britanik dhe franga zviceriane.
