Brazili dhe mbarë bota po i jep ditën e sotme lamtumirën legjendës Pele.
Homazhet nisën në orën 10 të mëngjesit në Santos, në stadiumin “Vila Belmiro”, në nderim të “Mbretit”, i cili u nda nga jeta më 29 dhjetor në moshën 82-vjeçare.
Trupi i legjendës së futbollit botëror u vendos në qendër të fushës ku luajti për 18 vite, teksa ishin të shumtë ata që pritën gjatë për të parë për herë të fundit idhullin e tyre.
Pele u nderua edhe nga personalitete të shumtë si shenjë mirënjohje për atë që dha në fushën e futbollit dhe jashtë saj.
Ndërkaq, ceremonia mortore do të mbahet të martën dhe do të jetë e hapur vetëm për familjarët.
