Sizmiologu Rrapo Ormeni ka qetësuar qytetarët pas tërmeteve që u regjistruan mbrëmjen e sotme në vendin tonë.
Ormeni tha për mediat se nuk ka vend për panik, pasi theksoi se lëkundjet e sotme futen në tërmete të zakonshme.
“Një tërmet i cili ka rënë tani është me epiqendër 25 km në verilindje të Tiranës është ndjerë fort dhe në Tiranë. Është një tërmet 4.7 i shkallës Rihter dhe mbi 6 ballë. Futet në tërmete të zakonshme që përsëriten çdo vit. Zona Bulqizës në Dibër është një zonë sizmike. Pas këtij tërmeti ka pasur edhe lëkundje të tjera më të vogla. Nuk është një tërmet që shkakton panik, nuk shkakton dëme material”, nënvizoi sizmiologu.
