Ekskluzive nga Monada Mehmetaj, Strasbourg
Mijëra protestues kanë dalë sot në rrugët e qyteteve të ndryshme të Francës për të kundërshtuar planin e presidentit Macron për rritjen e moshës së pensioneve.
Sindikatat kanë bërë thirrje për një protestë ndërsindikale dhe pritet ndërprerja e punës në disa sektorë publik dhe privat.
Duke qenë se Franca është një ndër vendet më të pasura në botë, kurrsesi nuk mund të rëndojnë pensionet mbi kurrizin e punonjësve.
Qeveria e Emanuel Macron ka një përgjigje pro këtij vendimi, ndërsa deputetët e mazhorancës mendojnë se protestuesit duhet të presin derisa çështja të diskutohet në detaje.
Si pasojë e grevës, mencat e shkollave do të jenë të mbyllura sot në të gjitha nivelet, si dhe pritet një pjesëmarrje shumë e madhe nga sindikatat e CTS. Gjithsej janë 542 punëtorë grevistë, pa llogaritur stafin teknik.
Për shkak të protestës së sotme, disa shkolla nuk kanë zhvilluar mësim pasi dhe mësuesit janë të përfshirë në këtë protestë. 25% e mësuesve ndodhen prezent në këtë protestë dhe 54% nga këta, janë nga zona bazë.
Në grevë janë të përfshirë edhe organizatat rinore, edhe pse e kanë larg pensionin, pasi nuk ndihen të sigurtë për vazhdimësinë e karrierës së tyre.
Sindikatat mendojnë se sistemi i pensioneve nuk është në rrezik. Ata kanë zbatuar gjithmonë dhe propozuar zgjidhje alternative vazhdimisht në tavolinat e bashkëbisedimit, por asnjëherë zgjidhjet e tyre nuk janë marrë parasysh.
