Fjala.al, publikon pamjet e arrestimit të autorit të masakrës në Kaliforni, ku 7 persona të tjerë u vranë më armë zjarri mbrëmjen e së hënës, në ngjarjen e dytë të rëndë në këtë shtet brenda 2 ditësh.
Sipas të dhënave, ngjarja u regjistrua në Gjirin Half Moon, rreth 50 km në jug të San Franciskos.
Autori u identifikua si si 67-vjeçari Zhao Chunli, banor i zonës, u arrestua në orën 16:00 në mënyrë paqësorë, pasi u dorëzua në zyrën e Sherifit të qarkut San Mateo.
Katër viktimat e para u zbuluan në një fermë rreth orës 14:22, ndërsa tre të tjerët u gjetën më vonë në një biznes kamionësh.
Motivet e sulmit janë ende të paqarta, ndërkohë që sherifi i zonës zbuloi se autorit iu gjet dhe një pistoletë automatike që mund të jetë përdorur gjatë sulmit, ndërkohë që është duke bashkëpunuar me policinë.
Ngjarja në Gjirin Half Moon, vjen pas asaj në parkun Monterey, ku një tjetër i moshuar me origjinë aziatike vrau 11 persona në një sallë kërcimi.
