Një shqiptar është arrestuar në Britaninë e Madhe, pasi është kapur me drogë në makinë.
Bëhet fjalë për 31-vjeçarin Eljo Agalliu, i cili ra në prangat e policisë britanike në qytetin Hartlepool, gjatë një kontrolli rutinë në makinë, ku iu gjet një sasi e konsiderueshme droge me vlerë 28 mijë euro.
Ai ka pranuar në gjykatë se punonte si korrier për shpërndarjen e lëndëve narkotike, në mënyrë që të shlyente borxhin prej 10 mijë eurosh që i kishte një grupi kriminal.
Pas dëgjimit të palëve, gjykatësi britanik ka vendosur ta dënojë me 8 muaj burg, dhe dëbim në Shqipëri, sapo të përfundojë vuajtjen e dënimit.
