Një sherr masiv me 5 të përjashtuar karakterizoi ndeshjen e NBA-së mes Minnesota e Orlando (fituan miqtë 120-127). Protagonist i incidentit ishte Mo Bamba i Orlando, që u çua nga stoli dhe goditi Austin Rivers të Minnesota, që po kalonte para tij. Nga ai moment, nisi një sherr masiv me grushte e shkelma, që përfshiu edhe shumë basketbollistë të tjerë.
Lojtarët në fushë, ata të stolit e stafet përkatëse u përfshinë në këtë sherr për të ndalur dy protagonistët, ndërkohë që ndërhynë edhe forcat e sikgurisë. Gjyqtarët përjashtuan 5 vetë, ku përveç dy sherrxhinjve dolën nga fusha edhe Jalen Suggs (Orlando) e Taurean prince e Jaden McDaniles (Minnesota).
Para incidentit në fushë nuk kishte patur asnjë sinjal tensioni mes dy basketbollistëve apo personave të tjerë. “Nuk e kuptova se përse e bëri këtë veprim. Ai u përpoq të më qëllojë më grusht, por e evitova. Në atë moment mendova se si të mbrohem”, tha Rivers.
AUSTIN RIVERS AND MO BAMBA GET INTO IT 🤯 pic.twitter.com/kUFYXgPvI5
— Bleacher Report (@BleacherReport) February 4, 2023
