Reshjet e dëborës në zonat malore të vendit kanë ftuar të pasionuarit pas turizmit malor të ngjiten në majat e larta. Kryeministri Edi Rama ndau sot pamje nga ngjitja e një grupi alpinistësh në malin e Krrabit në Pukë.
Duke i cilësuar pamje mbresëlënëse, Rama shkruan se mali i Krrabit në Pukë është një destinacion i preferuar turistik i kësaj stine.
“Mirmëngjesi dhe me këto pamje mbresëlënëse nga mali i Krrabit në Pukë, një destinacion i preferuar turistik i kësaj stine, ju uroj një të diel të mbarë”, shkruan Rama.
Puka, në veri të Shqipërisë, 145 km nga Tirana, mbetet e preferuara e adhuruesve të malit, ajrit të pastër, qetësisë dhe frymëzimit nga natyra. Kjo qytezë alpine mbart në vete të gjitha opsionet turistike, për të mirëpritur pranë saj vizitorë vendas dhe të huaj.
