Turqia po përballet ditën e sotme me një katastrofë për shkak të disa tërmeteve të njëpasnjëshme, prej gati 8 ballësh, që e kanë goditur dhe kanë shkaktuar shembjen e një numri të jashtëzakonshëm ndërtesash, teksa numri tragjik i viktimave deri në këto momente është 1500 dhe numri i të plagosurve ka shkuar në mbi 5000.
Këto shifra vijojnë në ndryshojnë nga minuta në minutë dhe kjo katastrofe merr përmasa akoma më tragjike. Ndërkohë, studiuesit sizmiologjikë e kishin parashikuar nj katastrofë të tillë. Sizmiologu holandez, Frank Hoogerbeets, i cili punon për organizatën Solar System Geometry Survey (SSGS) me bazë në Holandë, kishte parashikuar tërmetin më 3 shkurt 2023, vetëm tre ditë më parë.
“Herët a vonë do të ketë një tërmet prej rreth 7.5 ballësh në rajonet e Turqisë Jug-Qendrore, Jordani, Siri dhe Liban”, shkruante ai në llogarinë e tij në Twitter. Ditën e sotme ai shkroi në lidhje me tërmetin e sotëm në Turqi dhe shpjegoi më shumë mbi këtë ngjarje të rëndë.
“Siç e thashë, herët a vonë kjo do të ndodhte në këtë rajon, ngjashëm me vitet 115 dhe 526. Tërmete të përmasave të tilla gjithnjë paraprihen nga gjeometria kritike planetare, siç ishte më 4 dhe 5 shkurt”, shkruan Hoogerbeets. Megjithatë, disa përdorues kanë vënë në dyshim parashikimin e ekspertit holandez, duke e quajtur atë pseudoshkencë.
Por një tjetër ekspert i nëntokës, Serkan Içelli, pati thënë për Daily Sabah se një tërmet i përmasave tejet të mëdha pritet të ndodhë në rajonin Marmara të Turqisë, ku është vendosur Stambolli, metropoli më i populluar i vendit, teksa shtonte se ka shanse për zhvillimin e një cunami.
“Rajoni i Egjeut është një vend shumë kompleks për ne dhe ne nuk e ndjekim shumë mirë. Sidomos zona nën ishullin e Kretës, e quajtur Harku Helen, është rrezikshmërisht e prirur ndaj tërmeteve. Ky rajon ka prodhuar më parë tërmete me magnitudë 8.0 dhe tani po shkakton tërmetet më të mëdha. Për sa i përket vendit tonë, një cunami mund të ndodhë në pjesë të Muglas”, tha ai.
