Manastirliu jep lajmin e mirë/ Gati investimi për transformimin e këtij spitali

113 563 lexime

124,178FansaPëlqeje

Ministrja e Shëndetësisë dhe Mbrojtjes Sociale, Ogerta Manastirliu, bashkë me drejtuesin politik të qarkut Lezhë, Ministrin e Drejtësisë, Ulsi Manja dhe Kryetarin e Bashkisë Pjerin Ndreu, kanë parë nga afër investimet në Spitalin Rajonal të Lezhës, duke bërë me dije investimin madhor që fillon këtë vit për rikonstruksionin e godinës qendrore të këtij spitali.

“Jemi këtu për të dhënë një lajm të mirë për qytetarët lezhjanë, fillimin e një investimi të rëndësishëm për rehabilitimin e godinës qendrore të Spitalit Rajonal të Lezhës, një investim i cili do të përmirësojë radikalisht shërbimet e urgjencës, patologjisë, pediatrisë dhe një seri shërbimesh që janë brenda korpusit qendror të këtij spitali”,- beri me dije Manastirliu.
Ndërkohë Spitali Rajonal i Lezhës është pajisur me aparaturën e re DEXA, duke shtuar një shërbim të ri për qytetarët.

“Pajisja më e re për matjen e densimetrisë konckore, vërtetë ka përmirësuar shërbimet dhe ka mbyllur një cikël të shërbimeve sa i përket imazherisë në këtë spital”, tha Manastirliu.
Ministri Drejtësise dhe drejtuesi politik i PS në Lezhë, Ulsi Manja ka vlerësuar punën e stafeve mjekësore të këtij spitali, teksa vuri theksin tek invetimet bashkëkohore në këtë spital.
“Spitali i Lezhës do të ofrojë të gjitha shërbimet cilësore. Posaçërisht këtu në Lezhë është meritë e mjekëve dhe infermierëve që shërbejnë në këtë strukturë dhe që në vijim do të kenë në dispozicion një sistem spitalor modern dhe pajisjet e tekonologjisë së fundit”,- tha Manja.

Pas ndërtimit të Maternitetit të ri të Lezhës, investimi në godinën qendrore të Spitalit Rajonal Lezhë përmbyll ciklin e investimit në këtë spital. Investimi do të përfshijë godinën qendrore të spitalit, siperfaqje ndertimi rreth 4.000 m2, ku përfshihen të gjithë shërbimet me shtretër, reanimacioni, urgjencat peadiatrike dhe ato për të rritur, terapia intensive, pediatria, kirurgjia, me një kapacitet 117 shtretër. Me ndërtimin e Spitalit të Kurbinit, fillimit të punimeve për Spitalin e Mirditës, investimi i ri në Spitalin e Lezhës përmbyll ciklin e investimeve të shërbimit spitalor në këtë qark.

Të fundit

Çmimet e ushqimeve rrisin inflacionin gjatë muajit Mars, kryesojnë bulmeti dhe zarzavatet

Çmimet e ushqimeve kanë vijuar rritje në muajin Mars 2025 me ritme të larta se mesatarja e përgjithshme. Instituti...

Kultura detare italiane, veliera e famshme “Vespucci” rikthehet në Durrës

E cilësuar si një nga anijet veliere më të bukura në botë, Amerigo Vespucci e marinës italiane është rikthyer në Portin e Durrësit në...

Robert de Niro do të nderohet me “Palmën e Artë” të karrierës

Dy herë fitues i çmimit “Oskarit”, aktori Robert De Niro, i konsideruar si një nga më të mirët në botë  do të nderohet me...

Ed Sheeran surprizon fansat në rrugët e Londrës me një koncert akustik të papritur

Ed Sheeran ka befasuar sërish fansat e tij, duke dalë në rrugët e Londrës për të interpretuar disa nga hitet më të mëdha të...

Zbardhen bisedat e fundit, nëna e palestinezes Rayan Alwan do të vijë në Shqipëri

Rayyan Alwan, 24-vjeçarja palestineze u gjet e vrarë me thikë nga babai i saj, Fadi Alwan në banesën e marrë me qira në Tiranë....

Lajme të tjera

Web TV