Çmimet e ushqimeve vijojnë të mbeten të larta, edhe pse rritja e tyre është ngadalsuar në janar.
Përjashtim nga stabiliteti duket se bëjnë ushqimet dhe pijet joalkoolike, që sipas INSTAT në nisje të vitit u rritën me 4.6 për qind.
Çmimet e mallrave kanë njohur një stabilizim me nisjen e vitit të ri edhe pse me një rritje të konsideruar të lehtë.
Megjithatë ajo që vihet re, në tabelat e INSTAT është se ushqimet dhe pijet jo alkoolike edhe në muajin janar janë blerë me të paktën 4.6 për qind më shumë se muaji paraardhës.
Por pozitiv shihet fakti se në sektorët e tjerë shtrenjtimi është frenuar duke shkuar në maksimumin 0.5 për qind. Madje e njëjta situatë shfaqet edhe tek qiratë e banesave, energjia apo uji i pijshëm
Të dhënat zyrtare në fakt janë publikuar pak ditë nga hyrja në fuqi e njoftimit se çmimi i qumështit dhe bulmetit do të rriten deri në 37 për qind, çka do të përkthehet në një kosto shtesë për konsumatorët në vend.
Sipas Bankës së Shqipërisë, tashmë ka një stabilitet në tregje, kjo edhe për vetë faktin se është vlerësuar leku kundrejt monedhave të tjera.
Tashmë do të mbetet për tu parë, nëse në muajt në vijim do të ketë lëvizje të kushtimit të produkteve vendase apo dhe të importit.
