Tërmeti i së hënës në Turqi e Siri ka tronditur tërë botën, ndërsa deri tani raportohet për të paktën 29 mijë viktima. Ka edhe lajme që të mbushin me shpresë.
Pas shpëtimeve të foshnjave e jo vetëm nga rrënojat, Turqi njofton se 2000 persona të plagosur kanë arritur të rikuperohen dhe janë larguar nga spitalet në Stamboll.
Mijëra të plagosur nga 10 provincat e goditura nga tërmeti në Turqinë jugore u dërguan në Stamboll me avionë ushtarakë të Forcave të Armatosura Turke dhe avionë të ambulancës nga Ministria e Shëndetësisë.
Sipas TRT Haber, 2,193 nga 3,405 personat e sjellë në qytet janë larguar nga spitalet, ndërsa trajtimi vazhdon ende për 1,212 prej tyre.
