Një burrë në Peru ka habitur Policinë, pasi iu gjet në çantë një mumje e lashtë. Ai e konsideronte atë si një “të dashur shpirtërore”. Ai shpjegoi se “Juanitën”siç e quante ndryshe, e mbante në dhomën e tij, pranë televizorit, duke shtuar se mumja ishte në pronësi të babait të tij.
Ekspertët thanë se trupi ishte midis 600 dhe 800 vjeç dhe se ishte i përkiste një mashkulli të rritur dhe jo një gruaje, siç kishte supozuar burri që e posedonte.
Mashkulli i mumifikuar vlerësohet të ketë qenë më shumë se 45 vjeç dhe 1.51 m i gjatë (4ft 11in).Mumja ishte e mbështjellë me fasha në pozicionin e fetusit, i cili është tipik për shumë prej varrimeve historike në zonë.Mumifikimi praktikohej nga një sërë kulturash në Peru para ardhjes së pushtuesve spanjollë.
Policia ka sekuestruar mumjen e mbajtur në çantën e frigoriferit dhe ia ka dorëzuar ministrisë së kulturës të Perusë, e cila kujdeset për trashëgiminë e vendit.
