Ndërsa foli për byrekun dhe furrën që është bërë, kryeministri Rama sot në kuvend la të kuptohet se një tjetër zyrtar i niveleve të larta do të shpallet non grata në vijim.
I pyetur mbi këtë deklaratë, në studion e emisionit “Opinion” analisti Baton Haxhiu tha se sipas mendimit të tij, Rama ka informacion se për kë bëhet fjalë. “Mendoj që një kryeministër që paralajmëron njeriun, ka një informacion për këtë gjë, bllofi nuk do të ishte i mirë. Unë mendoj që Edi Rama e ka informacionin për kë bëhet fjalë. Logjika e fjalisë, logjika politike paralajmëruese nuk mendoj se mund të jetë një bllof i një njeriu që udhëheq një vend”, tha Haxhiu./Opinion.al
