Ish-deputeti i Partisë Demokratike, Klevis Balliu ka ironizuar ish-kreun e PD, Lulzim Basja.
Ai ka bërë një postimi me nota ironie në rrjetet sociale, ku shkruan: “Luli në politik është si inceneratori në Tiranë, ekziston vetëm në letra”.
“Luli në politik është si inceneratori në Tiranë, Ekziston vetëm në letrat e qeveris në të vërtet është inekzistent. Gjithashtu njësoj si inceneratori pagesat i mer dhe ai” shkruan Balliu në postimin e tij.
Ky reagim i Balliut vjen pasi rezultoi se Gjykata nuk e ka njohur deklaratën e dorëheqjes së bërë nga Lulzim Basha një vit më parë, pasi mesa duket ajo ka qenë vetëm gojarisht atë kohë dhe nuk është shoqëruar me një dokument ligjor.
Vërtetimi është lëshuar me datë 1 Mars 2023, dy ditë para seancës së mbajtur në Gjykatën e Apelit, ku u vendos që çështja e vulës dhe e logos së PD të rigjykohen në Shkallën e Parë. Ky vendim ligjëron lidershipin e Enkelejd Alibeaj, përgjatë kohës që do zhvillohet beteja ligjore me grupimin e drejtuar nga Sali Berisha.
