Ish kryeministri, Sali Berisha vizitoi ditën e sotme edhe familjen elbasanase autoktone ‘Dinaku’, ku falenderoi pjesëtarët e kësaj familje për mbështetjen e dhënë ndaj Luçiano Boçi i cili është kandidati i Rithemelimit për të marrë kreun e bashkisë në 14 maj.
“Ju falenderoj shumë për këtë mikpritje, dhe për të gjithë gjithëmbështetjen që familja juaj e nderuar i ka dhënë jetë PD, përpjekjeve të saj, mbështetjen që ju i jepni sot, Luçiano Boçit, i cili na nderon të gjithëve ne me vetitë, moralin, me zotësinë e tij.
Unë e di që ju po bëni gjithçka për fitoren e tij dhe jam shumë optimist, se ky mundim dhe kjo përpjekje e juaja, së bashku me përpjekjen e Luçianos dhe të gjithë demokratëve të Elbasanit do të kurorëzohet me fitore në datën 14 maj. Ndërron natyra, ndërron shoqëria, ndërron pushteti. Këto janë lajmëtaret e këtyre ndryshimeve të mëdha”—tha Berisha
