Të paktën 18 persona kanë vdekur në përmbytjet e shkaktuara nga shirat e dendur në provincat e goditura nga tërmeti, në Sanliurfa dhe Antiyaman. Ministri i Brendshëm i Turqisë, Suleyman Soylu konfirmoi sot se 16 njerëz vdiqën në Sanliurfa dhe dy në Antiyaman, ndërsa theksoi se furnizimi me ujë do të rikthehet në Sanliurfa të shtunën në mëngjes.
Drejtoria e Menaxhimit të Fatkeqësive dhe Emergjencave (AFAD) njoftoi se ekipet e shpëtimit me ndihmën e zhytësve janë vendosur për të shpëtuar banorët e bllokuar në zonat e përmbytura, si dhe për të gjetur personat e zhdukur. Ai thekson se më shumë se 100 milimetra shi ranë në provincat e goditura nga tërmeti në Turqinë juglindore për vetëm 24-orë.
Të dy provincat kanë një popullsi prej rreth 2.7 milionë banorësh, të cilët ende po përpiqen të rikuperohen nga tërmetet vdekjeprurëse të 6 shkurtit që vranë më shumë se 48,000 njerëz në Turqi dhe lanë miliona të tjerë të pastrehë, tani duket se duhet të përballen me një tjetër sfidë të natyrës.
