Kryetari i Partisë së Lirisë, Ilir Meta është shfaqur këtë mbrëmje duke luajtur futboll me disa të rinj. Ai ka ndarë disa foto gjatë ndeshjes së futbollit, ndërsa në duar mban pankartën “Bashkë Fitojmë”.
Meta thotë se ambientet sportive në Tiranë janë me pagesë dhe se nuk i përmbushin plotësisht nevojat e të rinjve.
“Nuk ka rini pa sport, nuk ka sport pa rini. Por si t’ia bëjmë faktit që në Tiranë rinia nuk ka ku të luajë futboll, apo basketboll, apo volejboll, përveçse me pagesë? Shumica e fushave janë private, dhe çmimi nuk është i lirë.
Bashkë me kryetarin e ri të Bashkisë, Belindin, patjetër që do të angazhohemi për më shumë fusha sportive publike pa pagesë. Jo vetëm në qendër, por në çdo lagje.
Edhe në ato privatet, të rinjtë, gjimnazistët, studentët, duhet të paguajnë gjysmë çmimi në çdo ambient sportiv.BashkëFitojmë”, shkruan Meta.
