Komisioni i Ankimimeve dhe Sanksioneve ka vendosur emrin e Ilir Metës përbri koalicionit opozitar “Bashkë Fitojmë”, duke refuzuar atë të Berishës. Partia e Lirisë kërkoi që në fletën e votimit të vendosej emri i Sali Berishës, me argumentin se kandidatët për kryetarë bashkie erdhën nga “Primaret”. Përfundimisht për zgjedhjet e 14 majit emri i ish-kryeministrit nuk do të figurojë.
Kreu i Partisë së Lirisë Ilir Meta ka dashur t’i bëjë një “dhuratë” Sali Berishës në këto zgjedhje, por KAS nuk e lejoi. Ilir Meta i ka këkruar KAS Komisionit të Ankimimeve dhe Sanksioneve që të vendosë si drejtues të koalicionit zgjehdor “Bashkë Fitojmë” emrin e Sali Berishës. Në një kohë kur në KAS po diskutohej çështja e PD-së e cila kërkon që të vendoset emri i Ilir Metës në fletën e votimi, Partia e Lirisë ka bërë një lëvizje të papritur, pasi ka dërguar në KQZ një shkresë që bën kryetar të koalicionit Sali Berishën. Siç duket Partia e Lirisë i ka paraprirë një vendimi të KAS, pasi mendojnë se KAS do të detyroje Ilirjan Celibashin që të vendosë një emër dhe ka informuar KQZ-në, nëpërmjet një shkrese të dërguar nga Endrit Braimllari se kryetar i koalicionit është Sali Berisha. Koli Bele, relatori i çështjes tha se Endrit Braimllari nuk e ka në tagerin e tij dërgimin e kësaj kërkese. “Nuk e kuptoj nga kjo e drejtë e Braimllarit”, tha Koli Bele, relatori i çështjes. “Nga vullneti i palës që është në këtë rast Partia e Lirisë, duke qenë se nuk është pakundërshtuar nga partitë e tjera dhe asnjë palë e koalicionit”, tha përfaqësuesi i Partisë së Lirisë. Komisioni i Ankimimeve dhe Sanksioneve detyron vendosjen e emrit të Ilir Metës krah koalicionit “Bashkë Fitojmë” në fletën e votimit. Kërkesa për ta përfaqësuar koalicionin me emrin e Metës, u bë nga PD, ndërsa koalicioni kërkoi se nëse vendoset emër të jetë emri i Saku Berishës, por kjo kërkesë u rrëzua nga KAS. “KAS me shumicë votash vendos pranimin e pjesshëm të kërkesës së PD-së sa i përket pasqyrimit të emrit të kryetarëve të partive të udhëheqësve të partive të koalicioneve Bashkë-Fitojmë në fletën e votimit. Rrëzimin e kërkesës për pasqyrimin e PD-së për shkronjat nistore të partive përbërëse për koalicionit përkatëse. Rrëzimin e kërkesës së koalicionit Bashkë Fitojmë për vendosjen emrit të deputetit Sali Berisha në fletën e votimit si drejtues si koalicionit të bashkë fitojmë”, njofton KAS. Komisioni i Ankimimeve dhe Sanksioneve rrëzoi fletën e votimit të miratuar nga Ilirjan Celibashi 5 ditë më parë, ku emri i Metës nuk vendosej përbri koalicionit. Kërkesa për të vendosur emrin e Metës si përfaqësues edhe në fletë votimi të koalicionit ‘Bashkë Fitojmë’ u bë nga Partia Demokratike, e cila pas debateve të ashpra, arriti të bindë anëtarët e mini-gjykatës së KQZ se fshehja e emrit të tij ishte shkelje. KAS refuzoi edhe përpjekjen e fundit të përfaqësuesve të “Bashkë Fitojmë” që në fletën e votimit, të mos vendosej emri i Ilir Metës si drejtues i koalicionit, por i deputetit Sali Berisha. Sipas vendimit të KAS, edhe koalicioni tjetër në garën e 14 majit, ai i Aleancës Liberale të Djathtë do të ketë në krah emrin e kryetarit të Partisë Drejtuese të Koalicionit, atë të Artur Roshit.
