PSG është afër fitimit të titullit kampion në Francë, sukses i pamjaftueshëm për të konfirmuar Christophe Galtier në stol.
E ardhmja e trajnerit është vendosur sipas shtypit francez, me drejtuesit e PSG-së që do ndahen me të në fundin e sezonit.
Dëshira e madhe quhet Zinedine Zidane, por presidenca e klubit kryeqytetas ka edhe dy preferenca të tjera.
L’Equipe shkruan se ata janë Jose Mourinho dhe Thiago Motta. I pari cilësohet si personi i duhur për të vendosur nën kontroll një grup lojtarësh të “llastuar”.
Ndërkohë, Thiago Motta është një njohje e vjetër. Ish-mesfushori luajti 6 vite me PSG-në, aty ku nisi edhe karrierën si trajner.
40-vjeçari drejtoi ekipin U19 të PSG-së përpara se të kalonte në Itali si trajneri i Genoas, Spezias dhe Bolognas.
Këta të fundit i drejton prej shtatorit të vitit të kaluar dhe ia ka dalë të krijojë një skuadër të fortë, që mbi të gjitha luan një futboll të bukur ofensiv.
