Kreu i Partisë së lirisë, Ilir Meta, ka komentuar vendimin e Kolegjit Zgjedhor i cili la në fuqi vendimin e KAS për të mos vënë në fletën e votimit emrin e Sali Berishës, por atë të Metës. Në një deklaratë për mediat, Meta tha se kjo është një lojë e Edi Ramës, të cilin sipas tij e ka zënë paniku i humbjes.
Meta u shpreh se me këto lojëra kanë turpëruar një institucion të pavarur si Kolegji Zgjedhor, e ndërsa tha se është zgjedhje e forcave politike në koalicion të vendosin se me cilin emër duan të përfaqësohen. Sipas tij, kjo nuk do të ketë asnjë lloj ndikimi tek votuesit.
Kreu i Partisë së Lirisë thotë se Rama është në hall të madh pasi kandidatët e tij nuk krahasohen me të tyret, pasi kanë zgjedhur figura të konsumuara.
Këto lojëra nuk ka qytetarë të Tiranës dhe Shqipërisë që nuk e kupton hallin e madh që ka gjetur Ramën.
Ai nuk ka kandidatë përballë kandidatëve tanë, ka ca kukulla të stërprovuara, stërkonusmuara, që kanë firmosur për të vjedhur e ndarë plaçkën e pushtetit vendor, bashkë me Ramën, një pjesë prej tyre i ka çuar nëpër burgje se nuk i mbante dot, ca të tjerë kanë dhënë dorëheqjen e të tjerë presin radhën për të shkuar atje ku e kanë vendin shpërdoruesit e taksave dhe ligjeve”, tha Meta.
Kolegji Zgjedhor rrëzoi përfundimisht Koalicionin Berisha-Meta duke vendosur që në fletën e votimit për kandidatë për Këshilla Bashkiakë të vendoset emri i Ilir Metës si drejtues i koalicionit dhe jo ai i Sali Berishës.
