Top Channel duket se ka vendosur që të korrë frytet financiare të audiencës që ka fituar në këtë vit Birg Brother deri në sekondën e fundit.
Pas shtyrjes me disa javë të finales, aplikacioni Big Love, ku fansat nga e gjithë bota paguanin shuma të majme për mesazhe që ju dërgoheshin banorëve të tyre të preferuar, tashmë ajën bërë publike edhe shumat që do të paguajnë fansat që duan të ndjekin nga afër finalen e madhe të 6 Majit.
Në faqen zyrtare të Top Channel thuhet se të gjithë ata që duan të bëhen pjesë nga afër e finales, do të duhet të paguajnë bileta që nisin nga 500 euro, dhe për arsye sigurie vendet do të jenë të limituara.
Fillimisht u tha se finalja do të mbahej në ambientet e Air Albania, por deri tani një gjë e tillë nuk është konfirmuar nga ana e produksionit.
Bileta për të marrë pjesë në finale nuk është e aksesueshme online, dhe kërkesa do të duhettë bëhet vetëm përmes emailit zyrtar.
Linku në fjalë është shpërndarë dhe nga vetë moderatorja e programit Arbana Osmani, e cila edhe vetë korr mijëra euro nga prezantimi i një formati të tillë, që këtë vit ka tejkaluar të gjitha limitet e audiencës, edhe për shkak të një personazhi që ka qenë kryefjalë që në javët e para Luiz Ejlli.
Por pavarësisht fitimeve marramendëse, çmimi i madh ende nuk ka kapur shifrën e 100 mijë eurove, ndërsa finalistët që do të jenë pjesë do të marrin nga 10 mijë euro.
Jo më larg se Kosova, çmimi për fituesin ishte 200 mijë euro, edicion i cili u fitua nga reperi Arkimed Lushaj, i njohur ndryshe Stresi.
