Kryetari i Partisë së Lirisë, Ilir Meta, ka bërë një thirrje për qytetarët e Tiranës, teksa vendi ndodhet në fushatë elektorale.
Me anë të një statusi në rrjetet sociale, Meta i kërkon qytetarëve të votojnë kandidatin e opozitës për kryeqytetin, Belind Këlliçin.
Ai deklaron se me Këlliçin, Tirana do u përkasë të rinjve dhe jo mafias së “Ndraghetës”
“Rinia e Tiranës voton numrin 5, Belon, alternativën e vetme në këto zgjedhje për t’u dëgjuar dhe për t’u mbështetur, që ta ndërtojnë të ardhmen këtu në vendin e tyre.
Tirana me Belon do u përkasë të rinjve, jo ‘Ndraghetës’.”, shkruan Meta.
Kjo deklaratë e tij, vjen pasi CNA publikoi një letërporosi të Prokurorisë së Tiranës, e cila kërkonte informacion nga Prokuroria e Romës mbi dyshimet se bosët e inceneratorëve kishin bashkëpunim me organizatën mafioze italiane, “Ndragheta”.
