Kryebashkiaku i Tiranës, Erion Veliaj, refuzoi sërish pasditen e sotme debatin politik me kandidatin e opozitës për Tiranën, Belind Këlliçin.
Veliaj tha në një intervistë me Nisidë Tufën se nuk e pranon ftesën e Këlliçit për një debat mes tyre, pasi beteja e tij është me ish-kryeministrin Sali Berisha.
“Unë betejën e kam me Sali Berishën dhe që ka bërë ftesë, dhe erdhi tek bashkia me megafon dhe tha që kjo është kulla që duhet të marrim. Sa kohë çdo ditë është Berisha që merret me bashkinë e Tiranës dhe vjen fizikisht tek bashkia. Unë edhe për Lulin thoja se është kukull e Berishës dhe Metës”, deklaroi kandidati i PS-së për kryeqytetin.
