Kandidati i koalicionit “Bashkë Fitojmë” për Bashkinë e Tiranës, Belind Këlliçi ka publikuar të gjitha dëftesat e tij nga klasa e parë deri te diplomat dhe titujt e marrë.
“Për ata që kanë merak kam gjetur edhe semestrin e parë të klasës së parë. Kjo është klasa e parë. Urdhëro klasa e dytë. Klasa tretë me semestër të parë dhe dëftesë përfundimtare. Këtu janë të katërta vitet e Hurry Fultz”, tha Këlliçi.
I pyetur se si u ndje kur dëgjoi për lajmin lidhur me diplomën e shkollës së mesme dhe asaj të lartë, Këlliçi tha se ishte habitur nga akuza.
“Ishte habi e madhe. Më erdhi shumë mirë që në njëfarë mënyre mori një përgjigje jo nga unë, sepse unë mund të jem i paragjykuar, por nga njerëz që janë më profesionalë”, u shpreh Këlliçi.
Këlliçi kja sfiduar Veliajn me diplomën e fakultetit dhe e ka ftuar ta bëjë publike.
“Ftoj Erion Veliajn të nxjerrë këtë. Është diploma në Universitet. Urdhëro. Ta nxjerrë me vulë dhe ta tregojë. Me këtë vulën këtuy se këtë nuk e ka. I mungon kjo këtu atij. Ka një gjë tjetër që nuk e nxjerr Veliaj. Është transkripti i notave zyrtare. Të nxjerrë këtë Veliaj. Nga Klasa e parë”, tha Këlliçi.
