Gruaja e ish-kryeministrit britanik Boris Johnson, Carrie ka njoftuar se është shtatzënë me fëmijën e tyre të tretë.
Me një postim në Instagram, ajo shkruan se është ndier “tej mase e rraskapitur” gjatë 8 muajve të fundit, por “mezi presin ta takojnë të voglin”, gjë që do ndodhë për pak javë.
Çifti u martua në vitin 2021 dhe ka dy fëmijë, një djalë 3 vjeç dhe një vajzë 2 vjeç. Johnson ka edhe 4 fëmijë të tjerë nga martesa e dytë me Marina Wheeler.
Ish-kryeministri dha dorëheqjen në Shtator 2022 dhe në thuajse 200 vjet, ishte i pari që martohej ndërsa kryente funksionin.
Pas divorcit në vitin 2020 me Wheeler, Johnson pati edhe një fëmijë tjetër nga një marrëdhënie. Në një intervistë në vitin 2021, ai u shpreh se ishte “fantastike” të kishe një fëmijë në Downing Street, por “shumë e lodhshme”.
Së bashku me fëmijën që pritet të vijë në jetë, Boris Johnson do të bëhet baba i tetë fëmijëve.
