Një autobus me disa nxënës që ishin duke u kthyer nga Ohri, mësohet se ka dalë nga rruga në orën 20:30 në aksin Librazhd-Elbasan. Devijimi i mjetit ka ndodhur pranë kthesave të Murrashit.
Mjeti që ka humbur kontrollin ka dalë jashtë rruge, është përplasur me pengesën anash rrugës.
Përplasja ka ndihmuar që autobusi mos të bjerë nga lartësia.
Tre nga nxënësit janë dërguar në spital, dhe fatmirësisht nuk kanë pësuar dëme serioze.
