Cristiano Ronaldo u rikthye mes protagonistëve për skuadrën e Al-Nassr në Arabinë Saudite. Portugezi shënoi golin e fitores në minutën e 59-të në sfidën ndaj Al-Shabab që përfundoi me shifrat 3-2 ndërsa këtë herë pati vend edhe për një festë ndryshe. 38-vjeçari festoi në sexhde, një veprim që ëshë parë të praktikohet nga shumë futbollistë të besimit islam.
Gjithsesi, ky gjest këtë herë u “huazua” nga Ronaldo që i bëri qejfin të pranishmëve në stadium teksa së fundmi, tifozët arabë i ishin kundërvënë pas disa gjesteve në nerva e sipër nga luzitani. Megjithatë, pas këtyre gjesteve raporti mes palëve duket se është rregulluar dhe gati për të vijuar ashtu si në fillimin e aventurës te Al-Nassr.
Cristiano Ronaldo after scoring his goal.
https://t.co/4Wr638mw6E
— TC (@totalcristiano) May 23, 2023
