Manchester United fitoi 4-1 përballë Chelsea, duke siguruar rikthimin në Champions League pas një viti mungesë. Skuadra e Erik ten Hag dominoi plotësisht “Blutë e Londrës” dhe e meritoi fitoren.
Casemiro hapi serinë e golave me një realizim me kokë, ndërkohë që në pjesën e parë shënoi edhe Anthony Martial. Në pjesën e dytë shënuan edhe Bruno Fernandes (p) dhe Marcus Rashford.
Ndërkohë, Joao Felix realizoi golin e nderit për Chelsea një minutë përpara fundit. Festë tek United që sezonin e ardhshëm do të garojë sërish mes më të mirëve të Europës.
