U hetua për spiunazh, flet ukrainasi 1 ditë pasi doli nga burgu: Jam bloger, jo kriminel

113 563 lexime

124,178FansaPëlqeje

Ukrainasi Fedir Alpatov, një ditë pasi Gjykata e Elbasanit e la të lirë në një deklaratë për mediat është shprehur se është thjesht një bloger dhe jo vrasës apo kriminel. Ai tha se tani kërkon të marrë makinën e tij e cila u sekuestrua 9 muaj më parë.

“Dua të marr makinën time. Ditët e mia në burg nuk ishin të mira. Unë nuk jam një kriminel, nuk jam një vrasës, jam thjesht një njëri i apasionuar pas vendeve historike. Unë jam një bloger dhe kam hobi të udhëtoj dhe vizitoj vende dhe studioj histori të shteteve të ndryshme. Unë kam qenë në vende të ndryshme në Europë, por nuk jam arrestuar, sepse nëse një vend është i braktisur mund ta vizitosh, vetëm në Shqipëri rezultoi një problem”, tha ai.

Svetlana Timofeeva, Mikahil Zorin dhe ukrainasin Fedir Alpatov, u liruan ditën e djeshme, e enjte, nga qelia dhe do të qëndrojnë në masa më të buta sigurie. Afatet e qëndrimit të tyre në paraburgim kanë përfunduar, ndaj njëri është lënë në “Arrest në shtëpi” dhe dy të tjerë me “Detyrim paraqitje”.

Mikahil Zorin do të qëndrojë në “arrest shtëpie”, ndërsa Svetlana Timofeeva dhe ukrainasi Fedir Alpatov do të mbajnë kontakte me shërbimin e provës deri në përfundim të hetimeve. Atyre u bllokuar pasaportat, për të pamundësuar largimin nga vendi.

Prokuroria e Elbasanit nuk i ka mbyllur ende hetimet për këta shtetas, të cilët u arrestuan në Gusht të vitit të vitit 2022 në uzinën e Gramshit, dhe është duke pritur ekspertizën e pajisjeve teknologjike që ju sekuestruan tre shtetasve të huaj.

Svetlana Timofeeva, 34 vjeç, u arrestua më 20 gusht së bashku me Mikahil Zorin, 23 vjeç dhe ukrainasin Fedir Alpatov, 24 vjeç, pas një incidenti të ndodhur brenda rrethimit të ish-uzinës së armëve në Gramsh. Zorin kundërshtoi dy ushtarakët që tentuan ta ndalonin dhe përdori spray me piper kundër tyre.

Lexo edhe :  Shpërthime të fuqishme në Sarandë, alarmohen qytetarët! Ndalohen nga policia dy të rinj

Tre të arrestuarit njihen si blogerë dhe janë pjesë e një subkulture të quajtur “Urban Explorer” apo “Urbex”; të apasionuar për të vizituar dhe fotografuar godina të braktisura, përfshi objekte ushtarake të “Luftës së Ftohtë”. Megjithatë, prokuroria shqiptare i akuzon ata për spiunazh dhe pretendon se treshja kishte ardhur në Shqipëri për të mbledhur informata ushtarake dhe strategjike të sigurisë kombëtare.

Menjëherë pas arrestimit të këtyre shtetasve, Federata Ruse lëshoi një kërkesë për ekstradim ndaj Svetlana Timofeeva, por kjo shtetase refuzoi dhe të njëjtën gjë bënë dhe autoritetet shqiptare. Hetimet për të ishin në vijim, ndërsa vetë Rusia ishte përjashtuar nga zbatimi i Konventës Europiane për të Drejtat e Njeriut.

Të fundit

Miliardierja më e re në botë që ia kalon dhe Taylot Swift, u bë e pasur nga AI

Lucy Guo, 30 vjeç, ka kaluar këngëtaren dhe kompozitoren Taylor Swift për t'u bërë miliarderja më e re në...

Berisha në Gjirokastër: Vendi është zhytur në mjerim, ka familje që s’hanë dot tre vakte

Sali Berisha mbrëmjen e sotme ishte në qytetin e Gjirokastrës, ku përveç prezantimit të kandidatëve për deputetë të këtij qarku për koalicionin “Aleanca për...

KPK e shkarkoi nga detyra prokurorin e Tiranës Bajram Breçani, KPA e rikthen

Kolegji i Posaçëm i Apelimit ka rikthyer në detyrë prokurorin e Tiranës Bajram Breçani, i cili u shkarkua nga detyra nga KPK. Trupi gjykues i...

Pete Davidson nis procesin e dhimbshëm të heqjes së tatuazheve: Më duhen 10 vite

Pete Davidson, aktori i njohur amerikan, ka zbuluar se ka nisur një proces të gjatë dhe të dhimbshëm për të hequr më shumë se...

Shehaj në Kukës: Kryeministri gënjen haptazi kur thotë se mbështet Altin Dumanin

Nga takimi i fushatës në Kukës, Agron Shehaj akuzoi kryeministrin Edi Rama për hipokrizi të thellë në lidhje me drejtësinë dhe mbështetjen e SPAK-ut,...

Lajme të tjera

Web TV