Shefi i Wagner akuza zyrtarëve të Kremlinit: Na kanë zhdukur nga mediat shtetërore

113 563 lexime

124,178FansaPëlqeje

Shefi i grupit mercenar rus, Wagner, Yevgeny Prigozhin, tha më 28 maj se është i bindur që zyrtarë të lartë të Kremlinit ua kanë ndaluar mediave shtetërore ruse që të raportojnë për të. Ai porositi se një qasje e tillë mashtruese do të çojë deri te një reagim nga populli rus brenda muajsh. Prigozhin, që është themelues i Wagner-it, është anëtari më i njohur i rrethit të presidentit rus, Vladimir Putin, i cili fitoi famë gjatë luftës 15-mujore në Ukrainë.

Forcat e Prigozinit kanë qenë në ballë të betejës për marrjen e kontrollit të qytetit lindor ukrainas të Bahmutit. Rusia ka pretenduar se e ka marrë këtë qytet, gjë që është mohuar nga Ukraina. Megjithatë, roli i Prigozhinit në këtë fitore të pretenduar ruse në Bahmut është minimizuar nga mediat shtetërore ruse.

Një tregues sipas Prigozhinit është që mediat shtetërore injoruan pretendimin për marrjen e Bahmutit për 20 orë dhe nuk transmetuan fare fjalimin e tij. I pyetur se pse media shtetërore ruse kishin ndaluar mbulimin për të, Prigozhin përdori disa proverba ruse për të ngacmuar ata që ai tha se janë përgjegjës për këtë: “Çfarë është e ndaluar është gjithmonë më e ëmbël”, tha ai.

“Wagner nuk mund të përdoret nga burokratët. Wagner nuk mund të fshihet. Jam shumë i sigurt se ata kanë ndaluar mbulimin mediatik për ne. Burokratët e nivelit të lartë në Kremlin po mundohen të mbyllin gojën e kujtdo, në mënyrë që të mos flitet për Wagner-in”, shtoi ai.

Sipas tij, një qasje e tillë do të marrë një kundërpërgjigje nga populli rus.

“Në terma afatgjatë, pas dy apo tre muajsh, ata do të marrin një shuplakë nga populli për tentimin që të mbyllin gojën dhe veshët e njerëzve”, tha Prigozhin.

Lexo edhe :  VIDEO/ Izraeli pranoi vrasjen e mjekëve palestinezë, publikohen momentet si i ekzekutuan

Shefi i Wagner-it ka qenë mjaft kritik për komandantët rusë, por edhe për ministrin e Mbrojtjes, Sergei Shoigu. Kremlini dhe Ministria e Mbrojtjes së Rusisë kanë injoruar deklaratat e Prigozhinit lidhur me kritikat për pushtimin e Ukrainës, që Rusia ka nisur në shkurt të vitit 2022. Prigozhin po ashtu tha përmes një audio-mesazhi se 72.000 ushtarë ukrainas janë vrarë në luftimet në Bahmut dhe rreth 100-140.000 ushtarë ukrainas janë plagosur.

Këto pretendime nuk kanë mundur të verifikohen në mënyrë të pavarur. Pavarësisht se Rusia dhe Wagner-i kanë pretenduar se kanë nën kontroll Bahmutin, Kievi ka insistuar se forcat e tij ende kanë nën kontroll një pjesë të vogël të këtij qyteti që gjendet në rajonin e Donjeckut./REL

Të fundit

Tregu i luleshtrydhes në ngërç/Fermerët: Prodhimi ynë s’ka pesticide,shteti ta verifikojë

Fermerët e Frakullës në Fier, të cilët merren me kultivimin e luleshtrydhes po hasin vështirësi të shumta, duke filluar...

TikTok sërish në kritika dhe akuza: Shfrytëzon fëmijët që lypin kur dalin ’live’

Përtej lypjes, në fakt, shumë nga videot shfaqnin fëmijë dhe të rritur nga vendet e varfra të filmuara duke kryer veprime të rrezikshme ose...

‘Çmendet’moti/ Përmbytjet bëjnë ‘kërdinë’në këtë vend, humbin jetën dhjetëra persona

Shirat e rrëmbyeshëm dhe përmbytjet kanë vrarë të paktën 33 njerëz në Kinshasa, kryeqyteti i Republikës Demokratike të Kongos. Banorët e dëshpëruar po përpiqen të...

Këtë verë, më shumë turistë/ Kasa: Hotelet me 4 dhe 5 yje, të rezervuara plotësisht

Jemi ende në fillim të prillit, por rrugët e Tiranës janë plotë turistë.  Shqipëria vijon të zgjojë interesin e të huajve.   Operatorët  turistikë parashikojnë...

Kryeministri japonez i kërkon Trumpit të ‘rimendojë’ tarifat

Kryeministri japonez Shigeru Ishiba deklaroi se ka biseduar me presidentin amerikan Donald Trump duke njoftuar se kanë rënë dakord që të vazhdojnë bisedimet për tarifat e vendosura nga...

Lajme të tjera

Web TV