Ish-ministri i Brendshëm Saimir Tahiri u lirua dje me me kusht dhe 20 muajt e mbetur të dënimit pritet t’i kalojë në “arrest shtëpie” dhe mbajtje të komunikimeve të detyruara me “shërbimin e provës”. Gjykata “arsyeton” pesë shkaqet që i dhanë lirinë. Menjëherë pasi mbërriti në banesë, Tahiri bën deklaratë e fortë me mesazhe të koduara në rrjetet sociale, duke paralajmëruar “betejë më çdo çmim për të fituar mbi padrejtësinë”. Kujt mund t’i drejtohen këto mesazhe? Reagon ambasadorja Kim: Shumë zhgënjyese…! “Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja”.
Ish ministri i Brendshëm, Saimir Tahiri ka lënë qelinë ditën e djeshme, për ta vazhduar pjesën e mbetur të dënimit në “arrest shtëpie”. Ky vendim u mor nga Gjykata e Elbasanit duke e argumentuar me faktin se ka përfunduar gjysmën e dënimit, ka pasur sjellje të mirë në burg dhe për rrethana familjare për shkak të bashkëshortes së sëmurë do i duhet të kujdeset për dy fëmijët e mitur. Të paktën ky ka qenë argumenti i gjykatës, duke i sjellë “gjysmëlirinë” ish-ministrit të Brendshëm socialist të akuzuar dhe dënuar për “shpërdorim detyre”. Nga dy ekspertimet mjeko-ligjore të kushtet që duhet të përmbushë Saimir Tahiri që të quhet i rehabilituar. Pak minuta pasi u parait në banesën e tij, ish-ministri I Bredshëm shkroi një mesazh të shkurtër, por “domethënës” në rrjetet sociale, duke paralajmëruar se nuk do heshtë para “padrejtësisë” që pretendon se i është bërë. “Do vazhdoj te kërkoj drejtesinë, siç kam bërë deri më sot. Të falenderoj me zemer ty që ke besuar gjithmonë te gjithçka jam e kam bërë unë! Faleminderit dhe ty që ke gënjyer gjithmonë, duke me kujtuar çmimin e të vërtetës. Pata mundësi të njihja padrejtesinë përballë. Tani kam mundësine të kërkoj të drejtën pa kursim! Faleminderit pa masë të gjithë!”, shkruan Tahiri. I menjëhershëm ishte reagimi I ambasadores amerikane në ikje Yuri Kim. Ambasadorja e SHBA-ve Yuri Kim ka reaguar për lirimin nga burgu të ish-ministrit të Brendshëm, Saimir Tahiri, duke u shprehur e zhgënjyer. Përmes një postimi në rrjetet sociale, diplomatja amerikane u shpreh se këto mënyra që përdor drejtësia shqiptare, nuk janë të përshtatshme për një vend të NATO-s dhe që aspiron të integrohet në Bashkimin Evropian. “Shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë. Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri. SHBA e konsideron korrupsionin si një kërcënim thelbësor të sigurisë kombëtare. Ata që merren me dhënien ose pranimin e kërcënimeve dhe nxitjeve – për shembull, për të ndihmuar miqtë e fuqishëm – duhet të kuptojnë se veprimet e tyre do të kenë pasoja”, shkruan Kim në Twitter. Ky qëndrim vjen piëkrisht kur jemi në konturimin e plotë të “drejtësisë së re” dhe zhgënjimi i ambasadores. Teksa ish-ministri i Brendshëm, Saimir Tahiri u lirua nga burgu pasi qëndronte në qeli që prej shkurtit të vitit të kaluar, ish-zyrtari socialist duhet të përmbushë disa kushte që të quhet i rehabilituar siç janë mosshoqërimi i tij me persona që kanë rrezikshmëri shoqërore, apo persona të dënuar si dhe do të duhet të marrë kontakt me Shërbimin e Provës. Ndërkohë, vetëm pasi të përmbushë këto kushte, Tahiri konsiderohet i rehabilituar për veprën penale që ai është dënuar, atë të shpërdorimit të detyrës. Sipas avokatëve, zoti Tahiri ka pasur dy ekspertime mjeko-ligjore që i ka dorëzuar në gjykatë. Vendimi për lirimin me kusht është marrë nga gjyqtarja e Gjykatës së Elbasanit, Matilda Fetahu dhe prokuror i çështjes, Mustafa Turku, ndërsa Tahiri do të duhet të kalojë pjesën tjetër të dënimit në shtëpi (dënim alternativ).
Reagimi i Berishës
Ish-kryeministri Berisha komentoi vendimin e Gjykatës së Elbasanit për të liruar nga burgu ish-ministrin e Brendshëm, Saimir Tahiri. “Saimir Tahiri u lirua me urdhër të Edi Ramës me ultimatumin që i çoi se është dita e durimit, përndryshe do zbërthej të gjitha lidhjet e Olsit dhe Edit me bandat që nga Meksika deri në Afrikë të Jugut”, tha Berisha. Ish-kryeministri Sali Berisha ka deklaruar se Saimir Tahiri është liruar me urdhër të Edi Ramës. Për Berishën, Tahiri e ka kërcënuar Ramën se nëse do të dalë tani nga qelia, atëherë do të zbërthejë lidhjet e krimit që ka, sipas tij, Olsi Rama dhe kryeministri me bandat nga Meksika gjer në Afrikën e Jugut. “Saimir Tahiri u lirua me urdhër të Edi Ramës me ultimatumin që i çoi se është dita e durimit, përndryshe do zbërthejë të gjitha lidhjet e Olsit dhe Edit me bandat që nga Meksika deri në Afrikë të Jugut. Kështu që është një urdhër direkt i Edi Ramës. Saimir Tahiri ia dha këtë ultimatum botërisht. I keni parasysh deklaratat e tij. Më në fund ai arriti ta mposhtë Edi Ramën, i cili tani është i ngërthyer në aferën McGonigal. Po bën lobimin më të fuqishëm, por nuk do të shpëtojë dot me gjithë angazhimin e Soros dhe miqve të tij. Unë kam bindjen se drejtësia amerikane do i tregojë vendin këtij korruptori të McGonigal”, tha Berisha. Pas 1 viti e gjysmë në qeli, ish-ministri i Brendshëm, Samir Tahiri, u lirua nga burgu. Ai do të kryejë pjesën e mbetur të dënimit në shtëpi.
Tahiri, nga ministri më i suksesshëm, në “të padëshiruarin” e PS-së
Në mandatin e parë të qeverisë Rama, në vitin 2013 Saimir Tahiri u emërua Ministër I Brendshëm. Pas tre vitesh në këtë detyrë, kur nisën sulmet ndaj tij, kreu I qeverisë do të deklaronte se “Ishte ministri më i suksesshëm”. Arretimi në Itali I kushërinjve të tij, për akuzën e trafikut ndërkombëtar të lëndëve narkotike, në kuadër të grupit të strukturuar kriminalo, vunë në lëvizje prokurorinë shqiptare e cila nuk hezitoi të niste hetimet dhe të kërkonte arrestimin e tij. Pak muaj para se të shperthente kys skandal, Rama e kishte shkarkuar nda detyra dhe Tahiri ishte vetëm deputet i thjesht i PS-së dhe që nga ai moment nisi rënia e tij politike, ndërsa ajo juridike kishte kohë që kish filluar. Saimir Tahiri u dënua më 4 shkurt 2022 nga Gjykata e Apelit me 5 vite burg, që për shkak të gjykimit të shkurtuar u reduktua në 3 vite e 4 muaj burg, teksa prej muajsh kishte kërkuar lirinë nga Gjykata nëpërmjet njohjes së kohës së paraburgimit. Ish-ministri ka qëndruar rreth 16 muaj burg qeli. Fillimisht ka qenë në qeli në Peqin dhe më pas në burgun e Lushnjës. Ai është liruar me kusht pasi gjatë përballjes me gjykatën kishte kryer pjesën më të madhe të dënimit, duke qenë se një pjesë e kishte kaluar në shërbim prove gjatë dhënies së vendimit. Tahiri sipas prokurorisë, rezultonte se kishte favorizuar grupin kriminal të drejtuar nga Moisi Habilaj, i cili kishte funksionuar në shtetin italian. SPAK kërkoi 12 vite burg për Tahirin, por GJKKO vendosi ta rikualifikojë veprën penale dhe e dënoi atë vetëm për shpërdorim detyre me 5 vite burg, i cili për shkak të gjykimit të shkurtuar u reduktua në 3.4 vite burg. Nga problemet shëndetësore të gruas te kujdesi për fëmijët e mitur dhe sjellja e mirë në burg, çfarë e shpëtoi Tahirin nga qëndrimi në qeli Në Gjykatë janë dorëzuar dy ekspertiza mjeko-ligjore, në të cilat thuhet se gruaja e Tahirit vuan nga probleme shëndetësore, ndërsa ai duhet të kujdeset për fëmijët e mitur. Ndërkohë, situata për familjen e tij është rënduar sipas avokatëve të Tahirit është rënduar dhe nga vdekja e babait të ish-ministrit pak kohë më parë. Element që çoi në lirimin e Tahirit dhe të faktit për sjelljen e tij të mirë në burg. Duke iu parashtruar këto kërkesa, edhe prokurori i çështjes ka qenë dakord me kërkesën, që Tahiri të vuante ditët e tjera të dënimit në shtëpi. Lirimi i Tahirit, zbardhet vendimi i Gjykatës: Lejohet që gjatë qëndrimit në shtëpi të largohet nga vendbanimi tij për plotësimin e nevojave të domosdoshme familjare.
