Jude Bellingham është zyrtarizuar sot si lojtari më i ri i Real Madrid. Një goditje e madhe e “Los Blancos”, të cilët siguruan një ndër mesfushorët më të talentuar në botë.
103 milionë + bonuse, që mund të mbërrijnë deri në 134 milionë euro. Ky është operacioni i finalizuar me sukses me Realit dhe Borussia Dortmund. Me verdhezinjtë gjermanë që e kishin siguruar 19-vjeçarin anglez për vetëm 30 milionë euro tri vite më parë.
Një blerje që ka krijuar entuziazëm të madh në kryeqytetin spanjoll. Më i lumtur se të gjithë është Vinicius Junior, ylli brazilian i skuadrës së Carlo Ancelottit.
“Mirë se vjen në klubin më të mirë në botë”, shkruan Vinicius në rrjetet sociale. Me blerjen e Bellingham, Ancelotti ka në duar një mesfushë me potencial të jashtëzakonshëm.
Ku nuk mungojnë “profesorët” si Modric dhe Kroos, emra si Valverde por edhe të rinj të talentuar si Camavinga, Bellingham apo Tchouameni.
Pavarësisht moshës së re, Belligham numëron 24 ndeshje me kombëtaren angleze. Duke u kthyer prej kohësh në një nga lojtarët më të rëndësishëm në skuadrën e Southgate.
