Këngëtarja Bebe Rexha u godit me një telefon në fytyrë të dielën gjatë kohës që po performonte.
33-vjeçarja ishte duke kënduar në skenën e “The Rooftop” gjatë turneut të saj “Best F’n Night Of My Life” kur një fans hodhi në drejtim të sajin aparatin celular. Goditja në fytyrë e uli në gjunjë këngëtaren e cila duket se ka pasur dhimbje të forta.
Nëna e Bebe Rexhës ka bërë me dije se ajo ka pasur tre qepje për shkak të goditjes.
Siç shihet në një video të publikuar në Twitter, artistja e veshur me rozë po i drejtohej pjesës së përparme të skenës, në momentin kur celulari fluturon me shpejtësi në drejtim të saj.
