Tirana është gati për duelin e kthimit ndaj gjeorgjianëve të Dinamo Batumit. Takimi i parë i raundit të parë në Conference League, përfundoi në barazim 1-1.
Regi Lushkja erdhi nga stoli dhe evitoi humbjen e bardhebluve në “Air Albania” me golin e realizuar në minutat shtesë. Ish-kapiteni i Laçit do e nisë si titullar ndeshjen e dytë, që zhvillohet në transfertë (19:00).
Duke i zënë vendin Ardit Deliut. Trajneri Orges Shehi ka bërë një tjetër ndryshim në formacion. Florian Përgjoni, i cili dhuroi asistin te goli i Lushkjes, do e nisë nga fillimi në krahun e majtë në vend të Gledi Micit.
“Duhet të jemi vigjilent e të kujdesshëm. Është ndeshje e hapur, 50/50. Ne do të luajmë shanset tona, duke qenë të vetëdijshëm që jemi në klubin më të titulluar në Shqipëri.
Motoja jonë është të futemi në fushë si të barabartë me kundërshtarin. Fiton ai që shfrytëzon më mirë rastet”, deklaroi trajneri i 26 herë kampionëve të Shqipërisë në konferencën për shtypin.
