Këngëtarja me famë botërore, Dua Lipa ka njoftuar se është në Shqipëri për pushime, përmes një postimi në Instagram.
Ajo ka ndarë disa foto nga bregdeti, ku duket se është duke shijuar bukurinë natyrore të vendit, në një nga plazhet e jugut.
“Shtëpi’, ka shkruar këngëtarja, bashkangjitur me flamurin shqiptar.
Ylli shihet e veshur me një fustan të zi me rripa të bardhë. Të shumtë janë fansat shqiptarë që i kanë komentuar se ndihen të lumtur që ajo ndodhet këtu, dhe i kanë uruar të kalojë një kohë sa më të mirë.
Edhe këngëtarja Rita Ora është në Shqipëri, duke zgjedhur që t’i kalojë disa ditë pushime në vendin e saj.
