Vdekjet e lidhura me alkoolin janë raportuar gjithnjë në rritje në SHBA, por një studim i ri tregon se gratë janë më të rrezikuara vitet e fundit.
Ritmi i vdekjes së tyre është shumë më i shpejtë se i burrave amerikanë.
Ekspertët që gjurmuan të dhënat prej vitit 1999 deri në 2020 shprehen se ato treguan se rritja më dramatike ka ndodhur në 3 vitet e fundit të studimit.
Nga viti 2018 deri në vitin 2020, ka pasur një rritje prej 14,7%, ndërsa për burrat kjo rritje ka ecur me 12.5% në vit.
Në studim u përfshinë 605 mijë vdekje në SHBA, të shkaktuara nga alkooli përgjatë periudhës 20 vjeçare. Ato lidhen me helmimet nga alkooli dhe efektet anësore të tij si sëmundjet e mëlçisë, gastrit duke përjashtuar rastet e vrasjeve apo ngjarje ku alkooli ka ndikuar në mënyrë indirekte.
Në përgjithësi, burrat kanë tre herë më shumë gjasa të vdesin nga problemet e lidhura me alkoolin sesa gratë, por hendeku është ngushtuar ndjeshëm, sidomos tek të moshuarit mbi 65 vjeç. Kjo nuk do të thotë domosdoshmërisht se gratë e moshuara po pinë më shumë, shpjegojnë studiuesit, por ndryshimet biologjike i bëjnë ato më të ndjeshme ndaj efekteve të alkoolit.
Në SHBA, alkooli renditet si shkaku i katërt kryesor i vdekjeve të parandalueshme, pas duhanit, kequshqyerjes e mungesës së aktivitetit fizik, dhe drogave të paligjshme, duke rezultuar në më shumë se 140 000 vdekje në vit
