Nga Eduard Zaloshnja
Miliona shtetas te huaj po vijnë per pushime ne Shqiperi. Kalojnë dite te nxehta ne bregdetin Adriatik e jonian, duke paguar çadra e shezlonge 10-30 euro për çift. Paguajnë 100-300 ne nate për hotelin dhe 10-30 euro për një rizoto (pilaf me pak salce e ndonjë garniturë te lehte).
Fale zotit, ende nuk kane zbuluar Pogradecin, ku ende një çift shqiptar, mund te paguaje për te gjitha këto te përmendurat me sipër pothuaj 10 here me pak, dhe te kënaqet sipas dëshirës…
Ne qofte se preferon freskun, mund ta pije kafen buze gjolit herët ne mëngjes me xhakavento krahëve ( se është freskët, teksa pjesa tjetër e Shqipërisë zhuritet). Ose mund te beje një xhiro ne pedonalen e Pogradecit ne mbrëmjen gjithmonë te freskët.
Ne qofte se preferon plazhin, mund ta shfrytëzoje atë falas gjate ditës ne plazhet publike te pajisura me çadra nga bashkia, ose te paguaje 3-4 euro n plazhet private.
Për tehraqijte e ushqimeve t ndryshme, restorantet e shumta ofrojnë nga kërnackat e peshqit lokale, deri tek pjatat elegante italiane e franceze. Për te mos përmendur edhe piceritë e shumta.
Për ata qe jetën e natës e shijojnë me zë te ulet, disa lokale gjate vijës se liqenit, qe kane muzike retro shqiptare dhe te huaj. Për ata qe e duan me te zhurmshme, kane disa night clubs ne lindje te vijës se plazhit, ku këndojnë live këngëtare me fame kombëtare.
