3 ushatarakët e arrestuar për drogën në repartin ushtarak të Zall- Herrit dolën sot para gjykatës, ku u njohën me masën e sigurisë “arrest me burg”.
G. M., R. K. dhe G. Zh. kanë pranuar fajësinë e tyre para togave të zeza për drogën e kultivuar në ambientet e repartit.
Por ata kanë deklaruar se e kishin të pamundur të kryenin kontrolle të imtësishme në 140 hektarë tokë, për shkak të terrenit të thyer.
Ushtarakët kanë theksuar se për këtë gjë kishin vënë në dijeni edhe eprorët e tyre.
Nga ana tjetër, avokatët mbrojtës janë shprehur se tre ushtarakët nuk mund të akuzohen për kultivim të lëndëve narkotike pa një akt ekspertim.
Megjithatë, gjykata la në burg ushtarakët, të cilët akuzohen se me veprimet dhe mosveprimet e tyre, duke shpërdoruar detyrën, kanë lejuar kultivimin e bimëve narkotike në ambientet e repartit ushtarak
