Ambasada e SHBA në Tiranë ka pritur këtë të premte në Shqipëri të ngarkuarin e ri me Punë, David Wisner dhe familjen e tij.
Përmes një postimi në Facebook, Ambasada ka zbardhur këtë takim, në të cilin Wisner tha se për të është një nder të shërbejë në Shqipëri dhe ka shprehur kënaqësinë për të mësuar më shume rreth historisë dhe kulturës së vendin tonë.
“Ekipi i Ambasadës së SHBA në Tiranë priti sot në Shqipëri të Ngarkuarin e ri me Punë, David Wisner dhe familjen e tij.
Wisner tha se është një nder të shërbejë në Shqipëri dhe ai pret me kënaqësi të mësojë më shumë për historinë dhe kulturën e saj të jashtëzakonshme.
Ambasada do të vazhdojë të ndërtojë partneritetin e saj me Shqipërinë për të çuar përpara demokracinë, mbrojtjen dhe lidhjet e biznesit”, thuhej në njoftimin e Ambasadës së SHBA në Tiranë.
Ditën e djeshme, Wisner zhvilloi një takim me ish-ambasadoren Yuri Kim në të cilin ajo e uroi për detyrën e re në vendin tonë. Gjithashtu, temë e diskutimin ishte partneriteti i fortë i Shqipërisë me SHBA dhe bashkëpunimet e vazhdueshme në fushat e demokracisë, mbrojtjes dhe biznesit.
