Uragani “Hilary” goditi shtetin amerikan të Kalifornisë të dielën, duke sjellë erëra të forta dhe përmbytje në brigjet e Paqësorit. Tani në drejtim të Nevadës, stuhia kaloi mbi Kaliforninë Jugore, me reshje rekord dhe përmbytje të parashikuara në Parkun Kombëtar të Luginës së Vdekjes.
Erërat e forta dhe reshjet e shiut lëvizën përtej kufirit nga Meksika, ku gadishulli Baja California pa erëra prej 119 km/j. Në Meksikë, një burrë raportohet se ka vdekur nga një përmbytje. Gjithashtu, një numër shtëpish janë zhytur tani në qytetin Santa Rosalia, Meksikë, ndërsa disa banorë në Kaliforni janë detyruar të evakuohen.
Shkollat gjithashtu duhet të mbyllen për të hënën, duke përfshirë Distriktin e Unifikuar Shkollor të Los Anxhelosit, i dyti më i madhi në vend. Herën e fundit që një stuhi tropikale preku tokën në Kaliforninë Jugore ishte në Long Beach në vitin 1939.
Hilary pritet të dobësohet ndërsa lëviz në veri, por sinoptikanët paralajmërojnë se ende mund të sjellë përmbytje të rrezikshme dhe katastrofike në shtet.
“Zonat që normalisht nuk përjetojnë përmbytje të menjëhershme do të përmbyten”, tha Shërbimi Kombëtar i Motit. Jetët dhe pronat janë në rrezik të madh deri të hënën. Ekspertët thonë se ngjarjet e fundit jonormale të motit që kanë pllakosur SHBA-në dhe disa zona në mbarë globin janë ndikuar nga ndryshimet klimatike të shkaktuara nga njerëzit./nsh
