Kryeministri britanik Rishi Sunak ka sugjeruar se problemi i kalimit të jashtëligjshëm në Kanalin anglez është shumë “kompleks” për ta lejuar atë të përmbushë premtimin e tij, për të ndaluar anijet e vogla deri në zgjedhjet e ardhshme të përgjithshme, raportojnë mediat e huaja.
Sipas tij frenimi i kalimeve ilegale me gomone, mund të mos ndodhë dot përpara zgjedhjeve të përgjithshme të vitit të ardhshëm. Gjithashtu Sunak, theksoi se kalimet në La Mansh janë çështje që nuk zgjidhen “brenda natës”, dhe mbetet një çështje “komplekse”, edhe pse ai insiston se plani “po funksionon”.
Komentet e fundit të kryeministrit mbi emigracionin erdhën gjatë një vizite në North Yorkshire, gjatë së cilës ai u vu nën presion nëse do të ishte në gjendje të zgjidhte krizën e anijeve të vogla deri në zgjedhjet e ardhshme./nsh
