Me siguri keni parë kombinim të pazakonshëm të ngjyrave që i ka bërë i dashuri juaj ose kolegu nga puna, dhe këtë gjë e keni treguar e përfolur për ditë të tëra. Por, sikurse pak a shumë çdo gjë tek meshkujt, edhe kjo është pasojë e testosteroneve.
Hulumtimi i Universitetit New York ka treguar që meshkujt në të vërtetë i shohin ngjyrat ndryshe nga femrat, dhe kështu për shembull ngjyra e portokalltë meshkujve u duket më shumë e kuqe, derisa femrat e shohin si të portokalltë.
Bari meshkujve u duket pak në të verdhë, femrave normal i gjelbër. Ndërsa problemet me nuancat, meshkujt në veçanti i kanë me ngjyrën e kaltër, verdhë dhe të gjelbër.
Si “ngushëllim” meshkujt janë shumë të mirë në vërejtjen e detajeve në imazhet që lëvizin./E.Ç
