Drejtori i Përgjithshëm i Policisë së Shtetit, Muhamet Rrumbullaku, i akordon Certifikatën e Karrierës, punonjësit të Policisë Myftar Kalari.
Ditën e sotme, shefi i Komisariatit të Policisë Nr. 4, kryekomisar Luan Hysenj, i ka dorëzuar punonjësit të Policisë, Inspektor i Parë Myftar Kalari, me rastin e daljes në pension, Certifikatën e Karrierës me motivacionin “Për merita dhe kontributin e dhënë gjatë viteve të punës, në shërbim të Policisë së Shtetit”, duke e falënderuar dhe vlerësuar kontributin Kalarin, i cili falë përkushtimit, korrektësisë dhe profesionalizmit ka arritur rezultate të larta në punë.
Inspektori i Parë Myftar Kalari falënderoi Drejtorin e Përgjithshëm, për certifikatën e akorduar, si shenjë respekti dhe vlerësimi për punën e tij.
Gjithashtu falënderoi shefin e Komisariatit të Policisë Nr. 4, kolegët dhe stafin e tij, për bashkëpunimin dhe mirëkuptimin në punë./E.T
