Policia ka vendosur në pranga një nga personat e shpallur në kërkim gjatë operacionit “Golden Bullet”.
Avokati Alban Bengasi u arrestua në aerportin e Rinasit nga efektivët e policisë.
Ai akuzohet për përfshirje në veprimtari kriminale kundër personit dhe në fushën e krimit të organizuar.
Ndaj tij, Gjykata e Posaçme e Shkallës së Parë për Korrupsionin dhe Krimin e Organizuar, ka caktuar masën e sigurisë “Arrest në burg”.
Policia e Shtetit
Vijon megaoperacioni policor i koduar “Golden Bullet”.
Ndalohet në Rinas, një shtetas tjetër i shpallur në kërkim gjatë këtij megaoperacioni.
Në hyrje, në aeroportin e Rinasit, gjatë përpunimit të dokumentacionit të pasagjerëve, shërbimet e Policisë kanë identifikuar dhe ndaluar shtetasin A. B.
Ndaj këtij shtetasi, Gjykata e Posaçme e Shkallës së Parë për Korrupsionin dhe Krimin e Organizuar, ka caktuar masën e sigurisë “Arrest në burg”, mbi dyshime për përfshirje në veprimtari kriminale kundër personit dhe në fushën e krimit të organizuar.
Materialet procedurale i kaluan SPAK-ut, për veprime të mëtejshme./ S.M
