Para se të mallkosh atë këngë që të ka mbetur fiksim dhe të përsëritet gjithë kohës në kokë, duhet të dish se janë udhërrëfyesit shpirtërorë ata që po tërheqin vëmendjen tuaj.
Shpesh kemi dëgjuar për numra të caktuar që kanë një kuptim kur shfaqen në ëndrra, ose disa objekte si monedha, puplat që kanë një shpjegim të caktuar për njerëzit, por edhe muzika mbështetet në një ndjesi hyjnore dhe shpirtërore që duket se përcjellë mesazhe tek ju.
Lidhja mes muzikës dhe botës shpirtërore
“Përgjatë epokave në mbarë botën, ka pasur një lidhje të fortë midis hyjnores dhe muzikës,” thotë Kyle Grey, autori i një prej librave më të shitur në botë, “Angel Numbers”. “Nga aspekti i fesë apo traditës një nga lidhjet më të vjetra është ajo përmes këngës. Shembuj do të ishin muzika në kishë, këngët popullore apo daullet”.
“Kjo sepse muzika dhe melodia nuk janë vetëm një mënyrë për ne për t’i folur universit. Kjo është një mënyrë që universi të përgjigjet,” thotë Grey. Arsyeja pse bota shpirtërore, e cila përbëhet nga udhërrëfyesit tuaj shpirtërorë, të dashurit e larguar dhe të gjitha format më të larta të vetëdijes zgjedh të komunikojë përmes këngës? Është një mënyrë argëtuese dhe e lehtë për të tërhequr vëmendjen tuaj.
“Gjithçka është energji, e cila vibron në frekuenca të ndryshme dhe këngët kanë frekuenca të caktuara vibruese, nga të ulëta dhe të ngadalta në të larta dhe të shpejta,” thotë Rebecca Rosen, autorja e librit “What’s Your Heaven”. “Shpirtrat duan që ne të luajmë ose të dëgjojmë muzikë për të ndihmuar në ngritjen dhe zhvendosjen e frekuencës sonë vibruese, në mënyrë që të jemi në përputhje me ta dhe të lidhemi me ta”.
Si një këngë e ngulur në kokën tuaj mund të ketë një kuptim shpirtëror?
Kuptimi shpirtëror i një kënge të ngecur në kokën tuaj mund të jetë po aq i thjeshtë sa kuptimi i një lirike të spikatur, prandaj sigurohuni që të dëgjoni me vëmendje dhe të shihni nëse diçka rezonon.
Të dashurit në anën tjetër mund të përdorin një këngë kuptimplotë që ju kujton atyre, një mënyrë që t’ju bëjnë të ditur se janë me ju./E.Ç
