Gjumi zë rreth një të tretën e jetës së secilit prej nesh dhe ai është thelbësor pasi siguron një aktivitet të mirë mendor dhe fizik. Mungesa e tij mund të shkaktojë lodhje kronike, ulje të vëmendjes dhe përqendrimit, nervozizëm. Për më tepër, pagjumësia e zgjatur mund të ketë efekte të dëmshme për shëndetin.
Hulumtimi i kryer nga Fondacioni Kombëtar i Gjumit identifikoi orët e rekomanduara të gjumit për grup mosha të caktuara , duke treguar kohë të përshtatshme, të rekomanduara dhe jo të rekomanduara.
Nga 6 deri në 13 vjet- Djemtë dhe vajzat e moshës shkollore kanë nevojë për më shumë orë gjumë se pjesa tjetër e popullsisë. Për këtë grup moshë, studiuesit e Fondacionit Kombëtar të Gjumit rekomandojnë 9 deri në 11 orë gjumë.
Nga 14 deri në 17 vjeç- Adoleshentët e kësaj grup moshe duhet të flenë minimalisht 8 deri në maksimum 10 orë, por edhe oraret që variojnë nga 7 deri në 11 orë janë të pranueshme. Megjithatë, shkencëtarët nuk e konsiderojnë të përshtatshme të flemë më pak se 7 dhe më shumë se 11 orë.
Nga 18 deri në 25 vjeç- Të rinjtë midis 18 dhe 25 duhet të flenë në mënyrë ideale midis 7 dhe 9 orë, por një pushim prej 6 deri në 10-11 orë konsiderohet gjithashtu i përshtatshëm. Në vend të kësaj, nuk duhet të pushoni për më pak se 6 dhe më shumë se 11 orë.
Nga 26 deri në 64 vjeç- Gjumi i rekomanduar për këtë grup moshë është nga 7 deri në 9 orë. Minimumi 6 dhe maksimumi 10 orë gjumë konsiderohet gjithashtu i përshtatshëm. Më pak se 6 dhe më shumë se 10 orë nuk rekomandohet.
Mbi 65 vjeç- Për subjektet e kësaj grup moshe mjaftojnë 7/8 orë gjumë. Megjithatë, studimi nga Fondacioni Kombëtar i Gjumit i konsideron gjithashtu të pranueshme kohët që variojnë nga 5 deri në 9 orë. Nuk rekomandohet të flini më pak se 5 orë dhe më shumë se 9./E.Ç
