Kryeministri Edi Rama ka njoftuar se ka nisur programi i kredive të lehtësuara për mjekët, policët dhe ushtarakët e rinj.
Në një postim në rrjetet sociale, Rama sqaron se aplikimi në e-Albania në 30 ditët e ardhshme mundëson një proces të shpejtë dhe transparent.
“Albania ofron shërbimin e dedikuar për kreditë e lehtësuara për 300 punonjësit e parë të Policisë së Shtetit, Forcave të Armatosura dhe mjekët që do të përfitojnë nga ky program i ri mbështetjeje për familjet e reja të këtyre tre kategorive.
Hapat e thjeshtë të aplikimit në e-Albania në 30 ditët e ardhshme mundësojnë një proces të shpejtë e transparent për aksesin në këtë program të ri”, u shpreh Rama. / S.M
