Në Kukës u rikonfirmua ‘Bashkë Humbasim’

113 563 lexime

124,178FansaPëlqeje

Nga Eduard Zoloshnja

Koalicioni “Bashkë Fitojmë”, i paraqitur zyrtarisht me kandidatë të përbashkët në zgjedhjet e përgjithshme dhe të pjesshme lokale në dy vitet e fundit, ka kaluar deri më sot jo nga fitorja në fitore (siç presupozon emri i koalicionit), por nga humbja në humbje.

E fundit ishte humbja e thellë të djelën në Bashkinë Kukës, ku kandidati i “Bashkë Fitojmë” mori plot 5470 vota më pak se sa kishin marrë partitë përbërëse të koalicionit “Bashkë Fitojmë” në zgjedhjet e prillit 2021.

Më 14 maj, koalicioni “Bashkë Fitojmë” regjistroi një humbje të ngjashme të hidhur verilindore në të voglën (por simbolike) Bashki të Tropojës.

Kandidati i tij mori plot 1580 vota më pak se sa kishin marrë partitë përbërëse të koalicionit “Bashkë Fitojmë” në zgjedhjet e prillit 2021.

Më 14 maj, koalicioni “Bashkë Fitojmë” regjistroi një humbje të ngjashme të hidhur veriperëndimore në të madhen Bashki të Shkodrës. Kandidati i tij mori plot 15,000 vota më pak se sa kishin marrë partitë përbërëse të koalicionit “Bashkë Fitojmë” në zgjedhjet e prillit 2021.

Më 14 maj, koalicioni “Bashkë Fitojmë” regjistroi një humbje të ngjashme të hidhur veriqendrore në të mesmen Bashki të Kurbinit.

Kandidati i tij mori plot 4750 vota më pak se sa kishin marrë partitë përbërëse të koalicionit “Bashkë Fitojmë” në zgjedhjet e prillit 2021.

Në territorin e bashkive të mësipërme, PS-ja nuk kishte arritur ndonjëherë deri në nivelin e 40% të votave në 32 vjetët qysh kur u ripagëzua me emrin “Partia Socialiste e Shqipërisë” (si në zgjedhje parlamentare edhe administrative).

Vetëm pas përballjes me kandidatët e koalicionit të ri “Bashkë Fitojmë”, ajo arriti ta kapërcejë nivelin 50% në to. Kjo, falë rrudhjes së votave për koalicionin “Bashkë Fitojmë”, që statistikisht duhet quajtur “Bashkë Humbasim”…

Të fundit

Trump shton presioni: Putin, afati yt është më 8 gusht

Donald Trump ka rritur presionin ndaj Rusisë dhe presidentit Vladimir Putin. Gjatë kthimit për në Uashington nga vizita 5...

“Serbia të njohë Kosovën!” Dy kongresistet i shkruajnë Trump: Zgjidhe!

Dy kongresiste amerikane, Claudia Tenney dhe Chrissy Houlahan u kanë dërguar një letër presidentit amerikan, ku propozojnë njohjen reciproke mes Kosovës dhe Serbisë. Siç bënte...

Britania paralajmëroi njohjen e shtetit palestinez, reagon Izraeli

Izraeli ka kritikuar planet e Britanisë për të njohur shtetin palestinez në Asamblenë e Përgjithshme të OKB-së në muajin shtator. Sipas mediave të huaja,...

Darwin Nunez po vjen në Serie A! Zbardhen tratativat

Objektivi i madh i Juventusit për sulmin është padyshim rikthimi i Randal Kolo Muani. Bardhezinjtë po punojnë për një transferim përfundimtar të sulmuesit francez....

671 mijë euro për deputetët në Kosovë edhe pse kanë zero punë!

Deputetët e Kuvendit të Kosovës tentuan pa sukses 54 herë të mbyllin seancën konstituive. Pavarësisht seancave çdo 48 orë dhe ndonjëherë më shpesh, puna...

Lajme të tjera

Web TV