Konkursi për Miss-in më të bukur në Zimbabve u fitua nga modelja 21-vjeçare Brooke Bruk-Jackson, mirëpo ky vendim ka shkaktuar protesta të ashpra brenda kufijve të kombit afrikan, kjo për shkak të ngjyrës së lëkurës së bukuroshes.
Njerëzit u shprehën se duke qenë se ajo është e bardhë, nuk mund të përfaqësojë Zimbabvenë, ku 98% e popullsisë janë me ngjyrë.
Amanda Mpofu dhe Nokutenda Marumbëa, të dyja me ngjyrë, dolën respektivisht në vendin e dytë dhe të tretë, dhe shumë argumentuan se njëra nga të dyja duhej të kishte fituar në vend të triumfueses lëkurë bardhë.
Kjo valë protestash dhe fyerjesh bëri që modelja të çaktivizonte komentet në postimin e saj të fitores në Instagram.
“Ajo nuk na përfaqëson, duhet të ishte me ngjyrë“, “është jashtëzakonisht tragjike dhe zhgënjyese dhe të parët e mi po kthehen përmbys në varre!!!! ”
Pas disa ditësh heshtje, Brooke Bruk-Jackson, e sulmuar egërsisht në komente, thjesht e kufizoi veten duke thënë se “ngjyra e lëkurës nuk duhet të përcaktojë një person”./E.Ç
